Este arroz está realmente delicioso, cun sabor a comida indú moi característico. Resulta moi sinxelo de elaborar e ten poucas calorias.
INGREDIENTES
2 persoas
150 gr arroz de grao longo (tipo basmati)
1 dente de allo
1/2 cebola
1/2 cenoura
1/2 cabaciña
1/2 coliflor
50 gr de feixóns verdes
50 gr de chícharos
caiena (ao gusto)
100 ml de tomate natural triturado
300 ml de auga
2 culleradas de aceite de oliva virxe extra
xenxibre en po (1 culleriña de postre)
comino
cúrcuma
garam masala
sal
PREPARACIÓN
- Cocer o arroz e reservar
- Pelar os dentes de allo e machacalos ata facer un puré
- Pelar a cebola e picala finiña
- Pelar a cenoura e cortala en xuliana
- Lavar a cabaciña e cortala en dados pequenos
- Cortar a coliflor en anaquiños pequenos
- Quitarlle os fios aos feixóns e logo cortalos en xuliana
- Quentar dúas culleradas soperias de aceite nunha tixola de paredes altas ou nunha pota.
- Cando o aceite estea quente botar a cebola e reforgar ata que se poña transparente. A continuación engadir o allo machacado e a caiena e refogar uns minutos máis e cando estea ben pasado engadir o tomate triturado e sofrir ata que o contido da tixola perda un pouco de auga.
- Agregar a cenoura, a cabaciña, a coliflor, os feixóns cortados en xuliana e refogar durante uns minutos. A continuación engadir a auga e esperar a que ferva. Engadir o xenxibre, o comino a cúrcuma e o garam masala.
- Tapar e deixar cocer a lume morno durante 15 minutos. Retirar do lume e poñer a punto de sal.
- Servir acompañado co arroz.