Antiga receta de cando non existía internet, nin os blogs, nin había master chefs, nin toda esa parafernalia, e a xente cociñaba de orella, e dicir, como lle ian contando os seus maiores. A min contoume este receta miña mai.
INGREDIENTES
Un trozo de carne cortado fino para poder enrolalo despois.
2 ovos
100 grs. xamón serrano en lonchas finiñas
un bote pequeno de pementos morróns
10-12 olivas recheas, con oso ou sen el
1 cebola
100 grs de pemento verde picado en trozos pequenos
100 grs pemento vermello tamén picado
1 cenoria
1 vaso de viño de cociña.
aceite, sal, pementa e as herbas que nos gusten. Eu botei ourego e finas herbas.
A carne pídese na carnizaría que a preparen para facer en rolo e xa saben como hai que facer.
PREPARACIÓN
- Facer unha tortilla redonda con cada ovo. Reservamos.
- Colocar a carne ben estirada e salgar lixeiramente.
- Encima da carne colocar as tortillas procurando que cubran todo o posible pero deixando unha marxe ao redor.
- Despois irán as lonchas finiñas de xamón serrano.
- Colocar as tiras de pementos morróns.
- Repartir as olivas.
- Enrolamos a carne que quede apretadiña. Podemos cosela con fío de cociña para que non se desfaga ou suxeitala con escarvadentes. Eu prefiro cosela para que non se desfaga e queda mellor. Reservamos.
- Nunha pota na que poidamos meter o rolo poñemos 3 culleradas de aceite e fritimos a cebola cortada en trozos, os pementos troceados e a cenoria tamén troceada. Deixamos pochar lentamente.
- Mentres , pasamos por fariña o rolo de carne e dourámolo lixeiramente nunha tixola con aceite. Non fai falla que o aceite cubra o rolo, solo un pouco e imos dándolle voltas para que se dore ben por todolos lados.
- Unha vez dourado pasámola a pota onde están as verduras. damoslle unha voltiña e engadímoslle o viño. Deixamolo evaporar un par de minutos e engadímoslle auga quente cubrindo ata a metade do rolo mais ou menos. Deixámolo cociñar durante unha hora a lume medio dándolle volta cada 10-15 minutos.
- Cando estea, retirar da pota e deixar arrefriar. Cortar en toros algo grosos. Pasar a salsa pola batedora e servir acompañando a carne.
Quédalle moi ben un acompañamento de arroz basmati, ou unhas pataquiñas fritidas cortadas en cadradiños.