INGREDIENTES
- Masa para empanadillas. A mesma que a da empanada de xoubas.
- 2 cebolas grandiñas
- 1 berenxena non moi grande
- 1 calabacín
- 100 grs de setas ao gusto
- 2 culleradas de algas espagueti de mar postas a hidratar nunha taza de auga uns 20 minutos.
PREPARACIÓN
- Preparar a masa e mentres leveda , facer o recheo.
RECHEO
- Poñer a pochar a cebola nunha tixola con suficiente aceite. Engadir a berenxena, e o calabacín picados en cubiños pequenos . Deixar pochar catro ou cinco minutos.
- Engadir as setas troceadas en anacos pequenos. Deixar pochar dous ou tres minutos.
- Incorporar as algas e deixar uns minutos máis. Reservar .
- Mentres arrefría o recheo imos preparando a masa estirándoa ben.
- Cortamos círculos cun cortapastas ou coa forma preferida e imos colocando o recheo e cerramos apretando cos dedos e despois cos dentes dun garfo para que quede ben cerrado.
- Pódense fritir en abundante aceite ben quente ou no forno a 180 graos arriba e abaixo , 30 minutos.