Hoxe levei ao entreno unhas barriñas enerxéticas que foron todo un éxito polo que a petición das Mulleres en Forma , decidín poñer aquí a receita para que todas poidan disfrutar de algo tan rico como esta receita de Eva Arguiñano.
Mulleres, a meterse un pouco na cociña e logo a disfrutar comendo algo rico , sano e nutritivo.
INGREDIENTES
100 grs de figos secos
100 grs de cirolas pasas
50 grs avea en copos finos
125 grs de noces peladas
50 grs chocolate negro
PREPARACIÓN
- Trocear en cuartos os figos e as cirolas. Colocar nunha picadora. Engadir a avea e as noces. Triturar uns 3 minutos ou ata que estea todo ben picado.
- Pasar esta mestura a un bol e relar o chocolate . Amasar a man ata que os ingredientes se mesturen ben.
- Colocar esta masa entre dous papeis de forno e estirala cun rodo de cociña ata conseguir un rectángulo de 3 cm de grosor.
- Meter no frigorífico un mínimo de media hora.
- Retirar e ir cortando as barriñas en rectángulos ou dándolles forma coas mans, como se foran croquetas.
- Envolver cada unha en papel de seda ou film transparente, meter nun túper e gardar no frigorífico .
Por suposto, xa se poden comer sen esperar mais tempo, antes de metelas no frigo.
Bo proveito !