Esta receita atopeina nunha páxina de internet e gustoume porque non leva aceite nin manteiga e queda fenomenal. Tiña na casa confitura de boniato de facer os pasteliños e ocorreúseme rechear o biscoito con ela.
Quedou xenial. E moi doado de facer e pódese rechear con nata , chocolate ou outra confitura ao gusto.
INGREDIENTES
6 ovos
300 grs azúcre
250 grs iogur
300 grs fariña
10 grs levadura en pó
4 grs sal
reladura de limón ou laranxa
PREPARACIÓN
- Dispoñer un molde de 26 cm. untar con aceite, forrar con papel de forno e volver untar con aceite.
- Prequencer o forno a 175º.
- Bater as 6 claras a punto de neve. Cando casi estean engadir a metade do azúcre ( 150 grs ). Reservar.
- Nun bol grande bater as xemas coa outra metade do azúcre. Engadir o iogur e seguir batendo. Mesturar a fariña coa levadura , tamizar en engadir á mestura das xemas. Mesturar ben. Engadir un chisquiño de sal e a reladura de limón.
- Incorporar as claras e remecer soavemente para que no se baixen.
- Verquer a mestura no molde. Introducir no forno e deixar cocer uns 45 minutos, depende do forno. Comprobar un pauiño se sae limpo.