Nesta época de confinamento temos máis tempo para planear as nosas comidas. Teño feito moitas empanadas con moitos tipos de masa , esta vez copieille un truco a Arguiñano que lle da un toque especial :
INGREDIENTES
- 400 fariña de trigo Caaveiro
- 190 grs auga morna
- 10 grs levadura panadeiro
- 4 culleradas aceite de oliva
- sal e unha culleriña de postre de pementón doce.
RECHEO
- 2 Cebolas medianas. picadas non moi miudo
- Medio pemento verde picado
- 1 bote pequeno de salsa de tomate caseira
- 2 latas de sardiñas en aceite de oliva
- sal
- 1 ovo para pintar a masa
PREPARACIÓN
- Nun bol grande poñemos a fariña, a levadura desfeita en cachiños, a auga, o aceite, sal ao gusto e o pementón.
- Remexer con culler de pau e cando non se poda mais, volcar na encimera e seguir amasando coas mans ata conseguir que a masa estea lisa e mesturados todos os ingredientes. Tapar con film transparente ou pano de cociña limpo e húmido e deixar que fermente ata doblar o tamaño , mais ou menos unha hora.
- Mentres preparamos o amoado.
- Poñemos 3 culleradas de acite nunha tixola. Damos calor e cando estea botamos a cebola picada. Procuramos que se vaia cociñando a lume non moi forte para que quede pochada e non fritida. Cociñamola uns 3 minutos e engadimos o pemento verde. Seguimos pochando outros 5 min e engadimos a salsa de tomate. Cociñamola 6-7 min e retiramos do lume
- Mentres se vai pochando todo, eu quítolle a espiña ás sardiñas pero pódense botar enteiras.
- Cando a masa estea no seu punto volcámola na encimeira enfariñada. Dividimos a masa en dúas partes , unha un pouco mais grande para poñer de base e outra mais pequena para poñer de tapa.
- Nunha bandexa de forno poñemos papel de forno e colocamos o trozo mais grande , previamente estirado co rodo. Encima colocamos o amoado de cebola e tomate e por riba repartimos as sardiñas troceadas. Cubrimos co trozo pequeno de masa tamén estirado co rodo e imos facendo o borde dando volta á masa de base e apretando contra a masa de tapa para que quede ben selada.
- Pintamos cun ovo batido e facémoslle unha cheminea no centro .
- Forno prequencido a 200º . Fornear durante uns 30 – 35 min, dependendo do forno.