Neste blog poño receitas as veces de colleita propia e outras de blogs, revistas ou de amigos que me van contando. A finalidade é que non se me esquezan as cousas ricas que comemos.
Esta vez a receita é de www.lajuanidesevilla.com
Fixen un par de cambios pequeniños pero seguro que quedou tan rico como o orixinal.
É moi fácil de facer ainda que leva un pouco de tempo pero merece a pena. Pódese conxelar en racións individuais e desconxelar cando queramos comelo. Está rico, rico de verdade.
INGREDIENTES
- 250 grs leite desnatado
- 50 grs auga
- 40 grs manteiga a temperatura ambiente
- 15 grs levadura de panadeiro fresca
- 435 grs fariña de forza
- 20 grs azúcre
- media culleradiña de sal
PREPARACIÓN
Eu fíxeno na Thermomix pero pode facerse a man sin problema.
- Poñer no vaso o leite, a auga e a manteiga, 3 min/37º/vel 1
- Engadir a levadura, 4 seg/vel4
- Engadir a fariña, o azúcre, e o sal, 6 min velocidae espiga.
- Engrasar un bol con aceite, verter a masa dentro, tapar cun pano e deixar que dobre o tamaño. Depende do calor que faga. Eu poñoo no forno a 30 grados durante un par de minutos e deixoo dentro ata que aumente.
- Poñemos fariña na mesa de traballo e desgasificamos a masa sen amasar moito. Debe quedar algo pegañenta.
- Formar un rulo que colocaremos nun molde alongado untado con manteiga. Tapar cun film transparente e deixar que levede ata que sobresaia do molde.
- Prequecer o forno a 200º e fornear 35 min. ( no meu forno é exacto pero dependerá do forno de cada un ) Ten que quedar douradiño.
- Desmoldar e colocar nunha rexilla para que enfríe.
- Cando está frío, eu troceo en rebandas e conxelo.