Este estufado de tenreira está moi saboroso e é moi doado de facer. Fíxeno con carne de tenreira ecolóxica moi tenra, neste caso usei redondo.
Ingredientes
- 500 gr de tenreira
- 30 gr. de panceta
- 2 porros medianos
- 2 culleres de postre de fariña de mainzo
- 1 cullerada de curry
- Pirixel, tomillo, loureiro, ourego
- Sal e pementa
- 2 tazas de auga
- 1 culler de postre de concentrado de verduras (receita de Thermomix)
- 2 culleradas de aceite de oliva virxe extra
Preparación
- Cartar a carne en tacos e a panceta en tiriñas
- Lavar e picar o porro
- Nunha cazola botar dúas culleres de aceite, dourar a carne e reservar
- No aceite de dourar a carne, pochar o porro
- Engadir a panceta e dourala un pouco
- Botar a auga e a culler de concentrado, o pirixel picado, o tomillo, o loureiro e o ourego
- Baixar o lume e deixar cocer durante unha hora
- Cando estea a carne, retirar a carne, a panceta e o loureiro, tamén as outras herbas se as botamos frescas
- Triturar a salsa coa batedora. Engadir a fariña previamente diluida en auga fría e o curry
- Engadir a carne e cocer todo xunto durante 10 minutos
- Servir acompañado de arroz, o basmati queda moi ben